Conversation with a Taxi Driver

I boarded the taxi. I was so tired and the driver looks innocent enough so I thought it would be a good idea to take a little nap on my way home...

But the taxi driver has other things on his mind:

Driver: Lagi ka ba umuuwi ng ganitong oras?

Me: Madalas ho, kailangan mag-overtime eh.

Driver: Mahirap din talaga kapag call-center noh?

Me: Oho... pero hindi ho ako call center...

Driver: Hehe... maloko ka ah, mali pala tanong ko... dapat pala, "Mahirap talaga kapag nagtatrabaho sa call center..."

Me: Hehehe, tama ho yung tanong n'yo, hindi ho kasi talaga ako nagtatrabaho sa call center. Sa consulting industry ho ako.

Driver: Ah ganun ba. Ano ba kumpanya mo?

Me: Accenture ho.

Driver: Di ba call center yun?

Me: Meron ho kami call-center, pero hindi ho ako dun.

Driver: Ahh ikaw yung nagmamanage ng mga call center...

Me: Hindi ho. Ibang linya ho ng business. Consulting.

Driver: Ano ba kaibahan nun?

Me: (Sus! kailangan ko pa ba iexplain!?) Sa Consulting ho... gumagawa ho kami ng mga solutions para ma-improve ang business processes ng mga companies.

Driver: Hehe, kahit ipaliwanag mo sa akin yan, hindi ko maiintindihan. (Sabay bukas ng pinto nya at dura sa kalsada)

Me: Hehe. (Medyo naiinis na natutuwa ako sa pag-uusap namin ni Manong)

Driver: Nakakapunta ka ba ng ibang bansa d'yan sa trabaho mo?

Me: Oho.

Driver: Saan ka huling nagpunta?

Me: Sa Switzerland ho.

Driver: Aba ayos pala noh. Saan ba yun sa US?

Me: Sa Europe ho.

Driver: Kasi yung anak ko, pinadala sa US. Pinag-training ng isang buwan. Call Center din yun.

Me: Ayos! Pero yung sakin ho, hindi ho training. Trabaho talaga.

Driver: Dyan pala sa mga call center na malalaki, talagang ipapadala ka sa ibang bansa. Magaling na nga mag-Ingles yung anak ko eh. Kailangan kasi sa call center na magaling ka mag-Ingles eh kasi daw puro amerikano kausap nila.

Me: Oho. Kailangan talaga.

Driver: Eh di magaling ka na ding mag-spokening dollar?

Me: Hehe, hindi ho masyado. Pero kailangan din kasi sa kliyente namin eh.

Driver: Oo, mga amerikano kausap mo eh.

Me: Europeans ho.

Driver: Saan ka nga ulit nagpunta?

Me: Sa Switzerland ho.

Driver: May mga call centers din ba dun?

Me: Wala ho. Karamihan ho ng call centers nasa Third World Countries kasi mura ang bayad sa tao.

Driver: Ah ganun ba, eh ano ginawa mo dun?

Me: Nagtrabaho ho.

Driver: Mahirap din ba trabaho sa call center?

Me: Siguro ho. Hindi ko ho masabi, kasi hindi ako call center eh.

Driver: Wala namang masama sa call center ah.

Me: Wala ho.

Driver: Marami kasing nahihiya na nasa call center sila.

Me: Marami ho ba?

Driver: Oo

(Mga limang minutong katahimikan...)

Driver: Hindi daw nagagamit ang pinag-aralan sa kolehiyo...

(Limang minuto ulit...)

Driver: Hello? How may I help you?... hehe... hehe...

Me: (Maiba lang ang usapan) May sukli ho kayo sa limang daan?

Driver: Ay meron na ata...

Me: Sige ho, express way na rin ho tayo para mabaryahan itong pera ko.

Driver: Bakit kaya biglang dumami ang call center dito sa Pinas?

Me: Kasi ho mura ang bayad sa tao.

Driver: Sa Europe ba may call center?

Me: (Hay naku!!! Kailan ba ako dadating sa bahay!?) Meron din ho siguro pero kokonti. Kasi mahal ang bayad sa tao dun. Karamihan ho nasa Pinas o kaya India.

Driver: Malaki din sahod sa call center eh noh?

Me: Malaki-laki din ho.

Driver: Kaya ako, kahit makatapos ako, magc-call center ako eh.

Me: Idlip muna ako manong... (Inihiga ko ng bahagya ang sandalan at nagkunyaring tulog para makaiwas sa call-center mania ni Manong)

Driver: Baka lumagpas tayo...

Me: Hindi ho, ako bahala...